/nginx/o/2011/10/13/791112t1h845b.jpg)
Ku Siu elu om igäv ja ilma mõttete, sis om ää, ku tulep määnegi pühä. Midä kunstligumb ja sisutühjemb, sedä paremb. Amiirikast lainatu sõbrapäiv kõlbas äste selle jaos.
MULK ÜTLEP VÄLLÄ: Sõbrapäiv, mes sii viil om?
/nginx/o/2022/03/30/14455086t1h7f2e.jpg)
16. veebruar 2012, 00:00
Juhime tähelepanu, et artikkel on rohkem kui viis aastat vana ning kuulub meie arhiivi. Ajakirjandusväljaanne ei uuenda arhiivide sisu, seega võib olla vajalik tutvuda ka uuemate allikatega.
Tundus, et kik nii sõbra-, emäde-esäde, vanavanembide päevä om vällä mõteldu selle jaos, et oma engepiinu tõiste inimestege alva läbisaamise peräst tillembes tetä. «Säh lill, säh kingitus!» ja ole nüid aaste aiga jälle iluste vakka.
Ma ole sedä miilt, et neid peris sõpru om egäl inimesel kaits-kolm. No siandsit, kellege sa võit kõnelde esiki pallald mõne kõrra aasten, a sa täät, et na võive kas või kell kolm
üüse siu muret kullete või viimätse raha sulle vällä lainate.
Üits sõpruse tähendüse allakiskja om Molovihk, vällämaa keeli Facebook, kunkottal mõnel poliidigul või laitstähel om näütüses 5000 või esiki 10 000 sõpra. Sii om ju ilmvõimatu! Miu arust tules kigepäält sõbras saia esiendege. Sii ei ole muduki kerge, meil om tuhat põhjust ennest vihate: liiga paks, liiga vaene, liiga saamatu, liiga tillikse tissi või noku. Egäs me sedä esiendege tülinolemist ei taha äste tunniste. Näütäme iki välläpoole, ku tublide me oleme. Aga eng om aige.
Nikolai Baturin om üten oma raamatun ütelnu: «Ku siul om vedänu esiendege, sis om vedänu kah kige muuge.» Mia ütles nõnda: siul om nii või naa endege vedänü. Sa ei ole mitte ütegi inimesege seitsmest miljardist üttemuudu. Ja siiperäst olet üits ja ainus. Ja sii om paras põhjus, et esiendege sõbras saia või kogundi ennest armaste. Ja sis võip juhtude, et saat sõbras kige ilmage.