Mustlan olli lõksivabrikust tähtsämbit tüüstusi

Valev Kaska Foto: Elmo Riig / Sakala

Küsimustele vastap Tarvastu koloosi viimäne ehituspäälig Valev Kaska.

Mes sia arvat sellest Mustla purtskaju võidutüüst, mille asjatundje om vällä valinu?
Miu panni kah pesulõks imesteme. Lõksivabrik tüüt sääl Mustlan jah mitukümmend aastet, aga egä müüdäsõitja es tiiäki, et sii vabrik sääl olli. Mustla kige tähtsämb olli võitüüstus, rahvas ütel meierei.

Kas sa täät, kuda sii lõksitüüstus sinna Mustla pääle tulli?

Joba Vene aa akatusen või esiki enne olli üits puidukoda sääl olemen. Algul tetti sääl muid puuasju kah, a peräst jäive pallald lõksi.

Sa esi ku Tarvastu koloosi ehitusjuht teit mitu uut tüüstust.

Ma olli sääl koloosin viimätse 15 aastet. Kui sii lõksivabrik oma tüü lõpet, anti maja üle koloosile ja mia pidi vällä nuputeme, mes selle suure majage edesi tetä. Vene aa lõpun läits muudu levä küdsämine, me teimegi sinna majja levätüüstuse, aga sii levätegu lõppi kah ärä — millegiperäst es mõista me leväküdsäje ääd leibä tetä.

Pääle sedä tetti sinna majja puut, sii panti nüid kinni. Ku nakati neid kooperatiive tegeme, sis me üte tõise Mustla inimesege tahtseme sinna tetä tillikse kohviku esiäränis latsi jaoss, sest koolilatse egä päe tund-puultõist uutsive säälsaman kõrvan bussi. Siss oless latse saanu koskil lämmen olla, joonu tassi tiivett ja saanu mõne küdsätu koogi kah panni pääld. Na ei oless Mustla pääl ulakust tennu. Koloos es anna meile kohviku tegemise luba.

Mia esi ehiti kuvvekümnendidel Mustla pääle selle juustutüüstuse, aga sii om kah nüid maha lahutu. Piiretusevabrik olli paar kilumeeterd Mustla pääld vällän, Mustla alevi sümbul sii eriti ei ole.

Misperäst tüüstuse puha järgemüüdä kinni om minnu?

Kohapääl es ole siast inimest, kes oless mõistan siss, ku sii Vene riik kokku satte, nakate oma käe pääl midägi tegeme. Es ole ettevõtlikke inimesi. Võhma lihakombinaadi viga olli kah sii, et Võhman es ole inimest, kes oless mõistan sedä asja juhate. Samal aal Valgan, kos olli pallu väiksemb lihakombinaat, jäi tüüstus ellu.

Miandse tüüstuse võissive Mulgimaal olemen olla?

No midägi söögikraami pääl. A ku tahtki kennigi tetä mõnda vabrikut, siss kohapääl ei ole tüütegijit.